طريقة عمل ستربس الدجاج/تشيكن ستربس المطاعم بدون بيض/قرمشه فظيعه👌😋

دجاج ستربس

.............

 دجاج ستربس عبارة عن صدور دجاج مخليّة من العظم، مقطّعة إلى شرائح متساوية الحجم، تتبّل وتُقدّم مع أي نوع من الصّلصات المفضّلة لدىك

  إنّ دجاج ستربس من المقبّلات الموجودة في مطاعم الأكلات السّريعة ويفضّلها الكثير من الأولاد الصّغار لسهولة تناولها ولطعمها اللّذيذ والمقرمش

وهي سهلة التّحضير في المنزل ولا تحتاجين للكثير من المكوّنات لتحضيرها 

         المقادير:

        _____

• 2 من صدور الدجاج كاملين.
•  كوب  ونص دقيق.
• معلقة صغيرة مليانة ملح.
• نص معلقة صغيرة فلفل اسود.
• معلقة صغيرة مليانة بصل بودر.
• معلقة صغيرة مليانة توم بودر.
• معلقة صغيرة مليانة كزبرة ناشفة .
• معلقة صغيرة مليانة بابريكا.
• معلقة كبيرة بهارات فراخ.
• 3 معالق كبار خل.
• معلقة كبيرة كاتشاب.
• كوب ونص ماء فاتر

• 
  

• مقادير تغطية الدجاج:

  • كوب ونص دقيق.
  • نص كوب نشا.
  • معلقة صغيرة  ممسوحة ملح.
  • معلقة صغيرة من (كركم و كاري و بصل بودر و توم بودر).
  • نص معلقة صغيرة بيكنج بودر.

• طريقة تحضير ستربس الدجاج:

  1. هنغسل الصدور الكاملة كويس ونصفيها من اي ماية .
  2. هنقطع الصدور بالطول وتكون عريضة عشان لو رفيعه هتتحرق مننا وهتبقي مش حلوة خالص 
  3. في طبق غويط هنجيب التوابل  (الملح والبابريكا والفلفل الاسود والكزبرة والبصل والتوم البودر وبهارات الفراخ) ونقلبهم كويس ونحط عليهم كوب ونص دقيق ونقلبهم وبعدين نبدء نحط الماية الفاترة  لحد ما القوام يبقي زى قوام البان كيك ,تقريبا هنحط كوب ونص ماية.
  4. وبعدين نحط شرايح الدجاج فيها  ونحط الخل والكاتشب عليها ونقلبها ونغطيها ونحطها في التلاجة اقل حاجة ساعتين وكل ما الصدور تقعد في التتبيله هتبقي تحفة جدا.
  5. هنحضر  صنيه فيها (كوب ونص دقيق ونص كوب نشا  ونص معلقة صغيرة بيكنج بودر) والتوابل بقا (معلقة صغيرة ممسوحة ملح و معلقة صغيرة توم بودر وبصل بودر وكاري وكركم).
  6. نجهز  حلة علي النار فيها زيت غزير ونسيبه يسخن  .
  7. نجيب الصدور من التلاجة ونشيلها من التتبيلة نحطها في طبق الدقيق ومنلمسهاش بايدنا نحرك طبق الدقيق لحد ماتعمل طبقة عليها ونشيلها نقلبها براحة لحد ماتتكون الطبقة المقرمشة اللي برة وعلي الزيت علي طول
  8. هنعمل الكمية كلها ومنقلبش الستربس خالص غير  لما الطبقة تتكون كلها في الزيت ونقلبها الناحية التانيه علي نار وسط حوالي 10 دقائق
  9. نطلع الستربس من الزيت لما يكون لونة دهبي جميل علي مناديل مطبخ 
  10. وبالف هنا هنقدمة مع الكاتشب والبطاطس المقلية